行政院通過「婚育宅」 婚育家庭增加租金補貼
少子化愈來愈嚴重，行政院通過要推動「婚育住宅」、「彈性的育嬰留停」等政策，欲提供1萬1千戶的「婚育住宅」，予有6歲以下囡仔的家庭，會當蹛滿十二年，閣提供新婚租金補貼。育嬰留停，也放冗其中30日，會當一日一日請，按算明年的1/1開始實施。行政院指出，有六歲以下囡仔的家庭會當申請婚育住宅，上長會當蹛滿十二年，予囡仔到國小畢業進前，毋免搬厝、轉學。租金補貼會擴大辦理，新婚增加補助1.5倍、閣加一个囡仔，閣再增加補助0.5倍，若以台北市一個月上濟補貼租金8000箍來講，新婚閣有一个囡仔，租金補貼就會有1萬6000箍。
了解更多 →