欲消失的閃閃爍工藝 螺鈿、漆工藝的保存佮復振｜台灣記事簿
【欲消失的閃閃爍工藝 螺鈿】
台灣的螺鈿工藝對日本時代傳入來，佇 1970 年代誠興旺，家具入螺鈿佇美國和日本當時行，出口的訂單穩定嘛是台灣富裕的象徵，毋過 80 年代了後，這產業轉對國外發展，俗價進口家具普遍，目前干焦賰幾个仔老師傅共這項傳統技藝弓牢咧。
「螺鈿」就是共螺仔殼入落去物件相敆的一種工藝技術，「螺」就是螺仔殼，「鈿」是鑲是入，螺仔殼鋸對應的大細，共畫好的圖貼佇咧螺仔殼頂面才來磨。雖然市場變細，毋過螺鈿工藝行向文創市場嘛是新的機會，佇臺灣工藝這燦爛的藝術雖然是傳統舊工藝，煞原仔顯頭唌人目，急切需要共傳落來！
【出帆 海翁之島】因為予地動、風颱損蕩的清水大山以及落坐的花蓮觀光業，所以有一陣人越頭對海洋揣希望，對海翁之島出帆。台灣自1997年頭一隻海翁觀光船出海，到今27冬，海洋觀光𤆬島嶼的人親近海洋，對待海洋的態度也行向保育。
9/7禮拜日暗時七點半，綴台灣記事簿先來熟似欲消失的閃閃爍工藝 螺鈿，落尾才閣來對海翁之島做伙出帆！
了解更多 →