:::
:::

學甲人的過年 上白礁、蜈蚣陣 上白礁開路先鋒|台灣記事簿

發布時間: 2024-05-18

【學甲人的過年 上白礁】

台南學甲慈濟宮的上白礁是百年香路的一个傳承,逐年的3月11佇登陸日彼工就會佇白礁亭將軍溪,遙祭大陸的白礁祖宮。伊在地性足強,所有的角頭攏會盡量講維持伊原來自組的陣頭抑是藝閣,其中上有名的就是全世界唯一閣用人工扛的蜈蚣陣。
對學甲人來講,上白礁是上重要的傳統,若像是𪜶第二个過年仝款,欲用信仰甲外流的人口攏搝轉來。
 
公視台語台

【蜈蚣陣 上白礁開路先鋒】

2009年台南市府將集和宮蜈蚣陣登陸文資身份,是學甲上白礁、割香必要的陣頭,慈濟宮分靈廟的集和宮蜈蚣陣佇上白礁和割香繞境活動攏扮演足重要的角色。
今年蜈蚣陣出陣是佇平常時,一度傳出欠神童的消息,有民眾認為,神童報名費一擺愛3萬嘛是參與熱度減少的原因之一。毋過若欲講上予集和宮頭疼的
猶原是扛工的問題, 雖然揣人過程艱難辛苦,終其尾總是完滿結束,地方相信這是神明靈聖,也是人心團結。

5/19 禮拜日暗時七點半,綴台灣記事簿先來熟似學甲人的過年 上白礁,才閣來看蜈蚣陣 上白礁開路先鋒。