偏鄉小學的廢校惡夢、漢藥店的生存挑戰｜台灣記事簿

【偏鄉小學的廢校惡夢】
103 年到 112 年有 44 間國小裁併，過了10年到113年變做18 間，後來的這10 年內底閣增加44間。根據彰化縣政府的規定，學校若學生人數40人以下，而且新生無到 10 个，人 就愛辦理專案評估佮公聽會。
面對家長的質疑，彰化縣政府講有按照程序行，毋過村長柯志憲認為，縣政府開會只是咧行行政流程，根本無咧聽在地民眾的意見，閣較免講認真討論。2020年開始，大城鄉4年內3間國小予縣政府廢校，在地居民煩惱關學校會造成少年人人口繼續外移，造成偏鄉人口結構老化的惡性循環。

【漢藥店的生存挑戰】
佇咧20幾年前，全國的中藥房有1萬5千幾間，到今年賰7千間。中藥商業同業公會全國聯合會名譽理事長馬逸才估計，遮的會員直直收起來，估計閣10年後賰3千幾間，所以照這个速度落去，上尾台灣的中藥房會消失。
為著欲引進中藥產業的人才，今年3月18衛福部公布，除了後代會當繼承中藥房以外，中藥系抑是生藥系畢業生只要修滿35學分，而且實習一冬，就會當登記做中藥商，引起藥師團體的反對閣抗爭。現代醫學發展愈來愈普及，傳統漢藥的文化佮習慣漸漸仔消失，對漢藥的文化傳承佮保存是真大的挑戰。

6/1禮拜日暗時七點半，綴台灣記事簿先做來看這場偏鄉小學的廢校惡夢，落尾才閣來關注漢藥店的生存挑戰！