勞發署北分署煏職場霸凌 謝宜容記2大過免職
勞動部勞動力發展署北分署，一个公務員，11/4佇辦公室行短路。傳出，北分署長「謝宜容」，涉嫌工課場霸凌，勞動部有做出調查報告，毋過外界猶是有真濟質疑。包括總統賴清德、行政院長卓榮泰，昨昏攏向國人會失禮。昨昏勞動部開考績會，謝宜容予人記2支大過免職。督導伊的勞發署長「蔡孟良」記1支大過，調離開主管職務。謝宜容昨暗發表聲明，表示伊願意針對伊的情緒控管無好，向同事會失禮。毋過伊也強調，勞動部的調查報告寫甲明明，過身的同事會想袂開行短路，和伊的領導風格無關係。
了解更多 →
