【守護地方的微光】全台灣有超過一萬外間的微型社福，𪜶在地深耕，紲落徛佇第一線，幫助遐的需要幫助的對象，毋過大多數攏拄著一寡資金不足的問題。有公益協會觀察著小型社福單位的困境，決定支持和提供協助。多數小型社福單位為照顧社區大細漢攏楗甲誠辛苦，雖然這陣已經有大型社福單位來鬥相共的合作案例，毋過社會福利資源分配無平均的問題，猶需要逐家來關心。【老戲院的稀微】自第一間戲院「臺北座」開始，台灣佇日本時代有2百幾間戲院的紀錄，頭一座有冷氣設備的歐式劇場，是佇新竹東門町的「有樂館」。戰後佇台語電影當奢颺的時代，1957年台灣有540間戲院，毋過到1980年代受著錄影帶出租店的影響，戲院漸漸失落去。對日本時代留落來的老戲院已經賰無幾間，會當繼續經營實在無簡單，因為保存落來的毋但是一間戲院、一段歷史，嘛是一个年代的文化記持。 10/6 禮拜日暗時七點半，綴台灣記事簿做伙守護地方的微光，拯救老戲院的稀微。

了解更多 →