2024-09-21
中正紀念堂的轉型正義、菊元百貨 台灣頭一間百貨店｜台灣記事簿
【中正紀念堂的轉型正義】今年的七月十五是台灣解嚴的37週年，文化部宣布國軍儀隊的禮兵對這工開始退出紀念堂的大廳。銅像兩爿免閣徛衛兵代表去除威權崇拜，是實現轉型正義的第一步。2017年立法院通過《促進轉型正義條例》，「清除威權象徵」是轉型正義重要的課題之一，其中上蓋有代表性的中正紀念堂。毋過是欲按怎完成轉型正義咧？這毋但是台灣民主發展重要的關鍵，對強調守護民主的執政者來講嘛是一件一定愛面對的考驗。
【菊元百貨 台灣頭一間百貨店】台灣頭一間百貨店是「菊元百貨」，伊是佇1932年起造的，內底有台灣頭一座予逐家使用的「流籠」，也就是現代人講的電梯。菊元百貨攏總七層樓懸，是日本時代台灣上懸的民間建築物。菊元百貨予人號做台灣頭一个「現代化的櫥窗」，見證臺灣商業型態佮城市發展的變遷，裝載無仝時代的市民的記憶，是全民共享的珍貴文化資產。
9/22 禮拜日暗時七點半，綴台灣記事簿了解中正紀念堂的轉型正義，最後閣來看台灣頭一間百貨店—菊元百貨。
了解更多 →