府城歷史街區的再生、台灣上早8毫米電庭電影｜台灣記事簿
【府城歷史街區的再生】台灣經歷過無仝的殖民年代、無仝的文化重重疊疊，成做無仝的建築風格。1725年大清帝國佇咧台南府城建造城墻，到今正正經過300冬，佇咧城內的老街區留下真濟歷史的痕跡。台南的歷史街區十冬來有125跡老厝的秀面整修，歷史街區重建予老城閣較有古早味，產業面貌佮多元的文化嘛予歷史街區變甲閣較豐富、閣較趣味。
【台灣上早8毫米電庭電影】這馬科技一直咧發展，8mí-lih小規格的電影沓沓仔去予類比佮數位化取代，加上這个類型的影片大部份攏佇咧民眾厝內無公開，所以真濟影片攏已經揣無矣。小規格的家庭電影佮商業電影的風格無仝款，遮的影片留落來的是彼个時代真實的面貌，以生活化的方式記錄無仝時代背景的民間文化。佇咧電影發明的時陣，電影製造商為著欲普及化，開發35mí-lih以下小規格的底片，一直到1932年出現8mí-lih的規格，日本人共小規格的底片引進台灣，從此，百姓開始會當共生活的影像記錄落來。
4/6 禮拜日暗時七點半，綴台灣記事簿先來熟似捌府城歷史街區的再生，落尾才閣來了解台灣上早8毫米電庭電影！
了解更多 →