印度移工欲來否、記持的倉庫：松林書局｜台灣記事簿
【印度移工欲來否】印度成做台灣新的移工來源國，勞動部目前按算對製造業先引進一千人試辦，台灣社會各界有無仝的意見，毋過嘛有誠濟國家早就引進印度移工，來幫助加給的國家成長，新加坡就是其中一个，其他閣有德國、意大利、法國等國家，目前日本也和印度簽合約，韓國是當咧討論。印度移民對殖民時代開始就到新加坡，已經欲200冬的歷史，𪜶承擔真濟體力的工課來建設這个城市，會使講若無(若無移工)，就無新加坡。毋過國人對印度人的刻板印象煞也是消除袂掉，這個問題也是台灣當咧面對的問題，隊移工的刻板印象，對印度的刻板印象，國家敢有政策會當應對？
【記持的倉庫：松林書局】一間冊店經營欲百冬，對無店面煞吸引誠濟日本學者、教授來的路邊攤仔，到有店面煞愛貼一張警告單仔寫「欲翕相就愛開錢買冊」，一路行來，有偌濟故事、偌濟人陪伴這間冊店做伙大漢。這馬數位化的時代，實體冊店的生理是愈來愈歹做。松林書局的存在就是舊冊店文化的證明佮鼓勵。春天的時，松林書局會舉辦牯嶺街導覽的活動，介紹附近的歷史、舊冊擔的文化，上尾一站就是松林書局。頭家親身解說松林書局的故事，欲予人客毋但是來店裡買冊，嘛感受著牯嶺街特別的人文氣氛。
9/1 禮拜日暗時七點半，綴台灣記事簿了解印度移工引進的議題，閣來看活欲百冬的林書局。
了解更多 →