2024-08-03
搶救曹永和故居、印度不思議 台印交流真鮮沢｜台灣記事簿
【搶救曹永和故居】台北帝國大學創校時期所起的第一批乙種官舍，台灣史佮海洋史研究的先鋒曹永和就蹛佇遮，如今煞面臨著都更，可能愛予人拆掉的命運，所以文史團體就發起連署，佇短短幾禮拜內，就得著來自學界、專業人士團體佮當地的里民、市民三千外人的支持連署。台北市有203个古蹟、339个歷史建築佮5个紀念建築，其他包括建築聚落群、遺址、文化景觀、史蹟等等加起來攏總有564跡，毋過曹永和院士的舊厝文資價值煞無法度來通過，抑若一切所有的物件攏會使拆，按呢咱台北城這个城市敢閣有啥物文化記持？
【印度不思議 台印交流真鮮沢】
台灣和印度各層面的交流那來那闊那深，印度是設計軟體的重鎮，台灣佔科技業產業鏈的重要地位，兩爿的差異無一定是障礙，也有可能是發揮創意的契機。台灣社會對印度的心理距離，比起地理距離，無定著猶閣較遠。2016年新南向政策了後，來往增加，除了學術交流，印度直接來台灣讀冊的學生仔也對千外人增加到三千人左右，運用雙邊專長對差異揣出共同點。
8/4 禮拜日暗時七點半，綴台灣記事簿關心曹永和故居的搶救行動，閣來看印度不思議 台印交流真鮮沢。
了解更多 →