活版印刷的衰微佮重生、職能治療 挽救生活品質｜台灣記事簿
【活版印刷的衰微佮重生】恁敢知影？若佇民國60年左右做活版印刷，一無細膩可能著愛去調查局泡茶，因為佇彼个年代，台灣猶閣咧戒嚴，政府是管甲誠嚴，你一个字印毋著去，伊就認為講你是毋是思想有問題，就愛你寫悔過書。活版印刷無親像電腦印刷遐爾仔緊、遐爾簡單，毋過透過老師傅的手會當將每一字每一句的溫度展現出來，只是這馬的生理佮進前比起來是差真濟，好佳哉這馬有少年人投入，開發出符合這个時代的產品，予老技術會當閣再充滿新性命。
【職能治療 挽救生活品質】咱知影醫學是為著加添咱的歲月，毋過職能治療師會當講是為歲月加添性命，予伊會當過了閣較精彩，過一般人想欲過的生活。職能治療師是一般大眾較無了解的醫事人員，𪜶佇病院、長照據點，甚至直接到厝裡服務，助贊個案活出自立有尊嚴的人生。職能治療是「賦能」的過程，人的一生除了希望活甲久長，而且盡量縮短需要倒咧病床的時間，不管是艱苦病疼、抑是年老，會當盡量過一款符合家己的自立生活。
12/22 禮拜日暗時七點半，綴台灣記事簿先來了解活版印刷的衰微佮重生，落尾才閣來做伙挽救生活品質，熟似啥物是職能治療！
了解更多 →
