印度不思議 生活大冒險、印度不思議 創業大挑戰｜台灣記事簿
【印度不思議 生活大冒險】台灣人面對印度的貧富落差、文化衝擊，到印度生活、工課會面對著啥物款的挑戰？嘛會煩惱囡仔佇咧外國成長的過程當中是欲按怎和台灣連結，這攏是出外人愛面對的問題。印度上濟好額人的城市孟買市中心是足鬧熱、足進步，毋過世界第三大的貧民窟也佇咧這个城市；然後Bengaluru是印度矽谷，是一个快速發展的科技城，毋過欲蹛佇遐，食是上大的挑戰，第二个挑戰就是交通。
【印度不思議 創業大挑戰】全印度的台灣人差不多五百人爾爾，少數人會選擇創業，毋過無母公司的支援，遮的先鋒按怎以個人之力輸出台灣的軟實力？搭這座台灣和印度的生理橋。印度是一个新的市場，無論是文化抑是一寡法規攏佮台灣完全無仝款，無像台灣你可能會當揣著較濟的資源去克服，佇遮你愛靠家己。毋過，印度土地闊，無仝的邦就有無仝款的文化，遮的機會足濟，你就是去試就著矣！
7/7 禮拜日暗時七點半，綴台灣記事簿先來關心台灣人佇印度的生活大冒險，紲落來做伙來看台灣人佇印度的創業大挑戰。
了解更多 →
