出航 海翁之島、拆樑 固樑 基隆按怎投？｜台灣記事簿
【出航 海翁之島】因為予地動、風颱損蕩的清水大山以及落坐的花蓮觀光業，所以有一陣人越頭對海洋揣希望，對海翁之島出帆。台灣自1997年頭一隻海翁觀光船出海，到今27冬，海洋觀光𤆬島嶼的人親近海洋，對待海洋的態度也行向保育。
【拆樑 固樑 基隆按怎投？】這改由新世代公民團體發起的罷免是基隆頭一改的罷免案，10月13這工受著全國的關注，因為投票的結果毋但是影響著基隆市的政治生態，甚至會牽連著明年朝野政黨敢會出現全國罷免的風潮。這場罷免投票欲通過著愛有超過7萬6千張的同意票，而且同意票閣愛比無同意的較濟，進前謝國樑當選市長是提著9萬6千票，所以欲罷免通過是真有難度。面對罷免投票，國民黨採取的是政黨對決的策略，抑若罷免團體是對公民運動出發，這改會當講是對基隆選民對罷免案性質定位的一種考驗。
9/29 禮拜日暗時七點半，綴台灣記事簿做伙出航來去看海翁海豬，最後才來了解基隆罷免的多元觀點。
了解更多 →