白河大地動60年 嘉義篇、嘉義老厝 見證木都後一个世代｜台灣記事簿
【白河大地動60年 嘉義篇】
佇1964年，台灣發生芮氏規模6.3的白河大地動。 當年的囡仔這馬已經七老八老矣，想起彼當時猶原感覺驚惶。 地動發生導致嘉義市區做大火，根據紀錄，火線湠欲1公里，有174間屋燒去。 嘉南地區佇歷史上發生過幾若擺大地動，梅山、中埔地動攏是規模7以上的大地動。 面對隨時可能發生的大地動，咱敢有做好準備？
【嘉義老厝 見證木都後一个世代】
嘉義有兩粒山，第一粒就是逐家攏知影的阿里山，第二粒是咱嘉義市幾若千間的柴厝山。這句話說明了嘉義市身為木都的事實，毋過有一段時間，無閣予人提起。敢若像一个城市睏去仝款，這馬開始咧精神，迎接木都後一个新世代。
1/14 禮拜日暗時七點半，綴台灣記事簿先來了解白河大地動對嘉義的影響，閣來見證嘉義市未來的新世代。
了解更多 →