戲棚布景英雄、台灣囡仔神的囝｜台灣記事簿
【戲棚布景英雄】廟會做戲謝神，戲台的布景是暗暝上閃爍的存在，螢光布景佇咧烏人燈照射之下，成做上影目的招牌。 打造布袋戲布景的彩繪師，愛會曉木工、繃布、彩繪，閣愛會曉設計機關變景，甚至噴火，予演出更加精彩，英雄閣較飄撇。 台灣大大細細的布袋戲班遮濟，毋過布景彩繪師全台煞干焦10幾个。 台灣記事簿本集採訪予人登錄做布景彩繪傳統工藝保存者的陳明山師傅，以及3位中生代彩繪師。 In面對傳統文化的傳承難題，如何選擇無仝方式推廣，予傳統布景行業會當繼續延續落去。
【台灣囡仔神的囝】
囡仔歹育飼，台灣民間信仰會有家長𤆬去予神明「做契囝 khè-kiánn」。有人會去求有地緣的「庄頭廟」大樹公、王爺公收契囝，嘛有人去「小兒專科」的臨水夫人媽廟。正式和神明拍契約，祈求神明幫助囡仔平安大漢，直到十六歲成年。醫療發達的現代，信仰的力量按怎陪伴囡仔渡過人生難關？
12/10 禮拜日暗時七點半，綴台灣記事簿先來看布袋戲布景按怎畫，才來拜神明做契囝。
了解更多 →