白石湖的生佮死、走揣礁溪湯仔城｜台灣記事簿
【白石湖的生佮死】
保留百年漳、泉、原住民多族群歷史的台北內湖白石湖公墓，當咧面臨迫遷命運。 國防醫學院副教授顏芳姿和熱心民眾做伙提報文資審查，希望保存這塊同時是台北城戰略要塞的文化景觀。 200外年的白石湖開發史，在地多族群互動的歷史痕跡，敢會消失甲無蹤無影？
【走揣礁溪湯仔城】
礁溪，逐家攏愛去的溫泉勝地，當地的德陽村附近，較早叫做「湯仔城」。 1919年，日本政府決定佇湯仔城起火車頭，予礁溪溫泉產業發展愈來愈興盛。 毋過時代變遷，真濟場景已經無佇咧矣。 當時礁溪上有代表性，接待天皇規格的溫泉旅館「樂園」，如今煞只賰一口古井？ 舊名號做「燒水溝」的湯圍溝，嘛因為雪隧開通帶來過度開發疑慮，早年溫泉水佇冬天水田攏是水煙的景象，嘛干焦會當留佇咧記持內底。 為著走揣的歷史面貌，有少年人發起「湯仔城記憶布畫計畫」，予序大透過布畫、口述歷史，做好揣共湯仔城的歷史面貌揣倒轉來，予故事繼續流傳到後一代。
11/19 暗時七點半，綴台灣記事簿先來白石湖看百年古墓，閣來去湯仔城浸溫泉。
了解更多 →