毋甘放捨的皮猴戲、北管戇子弟｜台灣記事簿
【毋甘放捨的皮猴戲】
皮猴戲 phuê-kâu-hì / phê-kâu-hì 的皮尪仔phuê-ang-á，造型看起來就親像猴山仔，所以就予人叫做「皮猴」。
佇300外年前，對潮州傳到南台灣，毋過這馬全台灣干焦賰3个劇團猶閣弓咧。
「遮爾好的物件，你莫共伊放棄掉。」
必須愛精通畫圖、雕刻、劇本、唱工、口白佮配樂的老藝師漸漸凋零，演出市場嘛漸漸萎縮。
光佮影之間活現現的皮猴戲，需要啥物款的技術佮工夫咧?
阮又閣愛按怎保存？
【北管戇子弟】
北管綴漢人移民來到台灣，已經有兩 三百年，目前台灣現存上久的北管樂團－彰化梨春園，就有兩百外年的歷史。 宗教科儀、廟會陣頭、戲曲伴奏攏需要北管，是一般老百姓生活袂當欠缺的音樂。 有職業的戲班亂彈戲，也有做議量的「子弟戲」、「子弟團」，早期參加人員以男丁為主，軒社陣頭是庄頭的門面，互相會搭棚拚場「軒園咬」，為軒社出錢閣出力，所以予人叫做「戇子弟」。 為著傳承北管，予陪伴台灣人婚喪喜慶的樂音，繼續傳響落去，這陣「戇子弟」猶咧打拚為北管付出。
11/12 禮拜日暗時7:30，台灣記事簿𤆬恁做伙看皮猴戲，聽北管。
了解更多 →