熱血教師前往偏鄉，用音樂教育改變囡仔｜青春咱的夢
【少年!大聲唱歌吧】
根據教育部統計，全國的國中佮小學有31%的學校佇偏遠地區，造成師資欠缺一直是其中的難題。同時，逐年接受少年感化教育的人數超過兩千人，所以矯正學校嘛定定需要引進新的教育課程。
為著因應這个狀況，有一个音樂計畫共老師𤆬入去偏鄉佮少年矯正學校。成立合唱團，希望透過音樂的影響力來幫助遮的囡仔挑戰家己，培養合作精神佮自信心。
𪜶逐年舉辦一改音樂節，打造專門的表演場地，予囡仔會當佇舞台頂發表家己努力練習的歌曲，用歌聲翻轉人生，揣著閣較濟自信佮機會。
公視臺語台「青春！咱的夢」9/30這禮拜六暗時6點半，欲𤆬逐家來看這款的音樂教育，會當予偏鄉佮少年矯正學校的囡仔，發生怎樣的改變。
了解更多 →