雲林男子漢共揹仔客棧改作台語創作基地，用次文化翻轉家鄉｜青春咱的夢
【次文化尬你過日子】
雲林是台灣的農業大縣，嘛捌予網友號做是旅遊沙漠。為著改變外界既定的印象，雲林有一陣少年人，𪜶共揹仔客棧當做台語創作的基地。舉辦街舞比賽，鼓勵大家勇敢表現家己。甚至暗時佇街頭做DJ，放家己佮意的音樂。
文化行動結合草地次文化，鼓勵愈來愈濟少年人返鄉生活，原來遮嘛會當用流行元素來表現雲林的媠。
公視臺語台「青春！咱的夢」9/23這禮拜六暗時6點半，欲𤆬逐家來看這陣人，如何用次文化來活出家己性命的態度。
了解更多 →
