法人警告月底驚臺股大量斷頭 國安基金動向引關注
亞洲股市拜三（7/29）本底開盤拚反彈，毋過一點鐘過後，猶是落落去。韓股落5.98%、日股落930點；啊若臺股有共4萬點守牢咧，落1564點，收佇40039點，有119間落到盡磅。也因為最近臺股一直落，有立委問起國安基金護盤的問題。財政部長莊翠雲今仔日表示，會繼續關注國際情勢和臺股。
另外，有法人指出，這站仔有真濟支股票落到盡磅，月底進前可能閣再出現大量「斷頭」的狀況。學者除了提醒，愛注意違約交割的風險，也呼籲講，投資毋是穩趁的，著好好仔詳細評估。
了解更多 →
