北管戇子弟、手路菜 時代的氣味｜台灣記事簿
【北管戇子弟】北管音樂跟綴漢人移民來到台灣，已經有兩三百冬。有職業劇團的亂彈戲，嘛有業餘子弟軒社，深入台灣庶民生活。遮的參加人員以男性為主，為著家己的軒社出錢閣出力，予人講是戇子弟。但是面對社會轉型閣有娛樂增加，予北管傳承出現危機，不而過猶是有人毋甘這款陪伴台灣人婚喪喜慶、大漢成長的聲音無去，繼續戇戇、拚勢共北管傳落去。
【手路菜 時代的氣味】你敢佮意食辦桌? 炸醋蝦、肉米蝦、五柳枝、布袋雞，攏是厚工的「手路菜」，你較佮意佗一出？台菜，台灣的根，有真濟菜色有精彩的菜譜典故。其中的靈魂人物就是總舖師。總舖師阿塗師講：「台灣菜就是信用、老實、義氣」。對揀食材、手法、調味、火候，攏愛遵守老一輩流傳的食譜工序，才會當予古早味完整保留。總舖師的堅持，保存的是台灣重要的飲食文化資產。
8/6禮拜暗時七點半，綴台灣記事簿來聽北管，食好料。
了解更多 →