台灣ê店 關燈火無化、台文字寫台灣味｜台灣記事簿
【台灣ê店 關燈火無化】
啥物！「讀派」收起來啊？真的嗎？30冬前，是按怎無愛做美國工程師，走轉來台灣開冊店？阿三哥講乎你知。1993年，阿三哥為了推動台灣的本土文化，決定欲開一家「台灣ê店」賣台灣人的冊。冊店捌予警察「點油做記號」、嘛捌予紅衫軍潑漆，30冬經過，冊店陪台灣成做閣較民主、自由的國家。伊認為：「台灣無欠我一个科學家。」，所以決定欲開一家冊店，予閣較濟人熟似咱台灣這片土地。
【台文字寫台灣味】
到今，台語主流化的環境已經款好勢，有台語研究、美學佮科技等等，透過無仝專業的人才做伙拍地基，用正範的台文字寫出正港的台灣味，記錄台灣這段時間土地的模樣是啥物。一套字體大約愛做一萬四千外字，著愛開兩、三年的時間，並且這馬毋但有台語，閣有客語、原住民語等等，甚至外籍移工𪜶的語言攏有納入，為的就是欲打造台灣的文字風景。
4/7 禮拜日暗時七點半，綴台灣記事簿先來看台灣ê店，才閣來欣賞台文字是欲安怎寫出台灣味。
了解更多 →
