佇台灣看見緬甸、落南洋百年 金門洋樓欲重生｜台灣記事簿
【佇台灣看見緬甸】
新北市中和區的華新街，閣予人講是「緬甸街」，除了有賣真濟緬甸料理和點心，閣藏濟濟佇他鄉出世，來台灣拍拚生活、搜揣歸屬感和身分認同的故事。
佇緬甸出世的楊萬利，細漢時綴爸母來到台灣生活，伊除了愛適應新的學習環境，也遭受同學無仝的目光，予伊開始拍拚成做人講的「台灣人」。一直到伊開始做緬甸街文化導覽，閣有一改佮老爸轉去緬甸，才予楊萬利重新來思考家己到底是啥人。
【落南洋百年 金門洋樓欲重生】
19世紀中期，濟濟金門人去南洋發展做生理，趁著錢了後回金門起洋樓，這寡洋樓濫摻東、西洋的元素，真有文化價值；毋過經過濟濟戰亂，真濟洋樓產權已經無清楚，甚至閣有後代是踮佇咧南洋，予遐留落來的洋樓干焦會當囥咧發草。
金門有文資身份的洋樓大約有60幾棟，目前有修復的差不多20幾棟；修復金門洋樓，毋但是保存金門的歷史佮文化，親像王慶雲洋樓、古崗學校洋樓，予人活化做咖啡廳等等，閣通予在地社區變閣較活潑，毋但吸引外地人，也唌出外拍拚的少年人回鄉拍拚。9/20禮拜暗時七點半，台灣記事簿先𤆬你來看對緬甸來台灣生活，搜揣身分認同的故事，紲落才來看金門洋樓的歷史，閣有遐的洋樓欲按怎修復佮活化。
了解更多 →