一粒晶圓 群山接力、拚入無人機非紅供應鍊｜台灣記事簿
【一粒晶圓 群山接力】
1976年，中華民國政府派一陣平均年歲無甲三十歲的少年工程師，去美國RCA(無線電公司)共台灣發展半導體技術的火種紮轉來，in是「創造護國神山的人」，佇台灣茫茫渺渺的年代，開始改變咱的命運。
台灣的半導體業逐工的產值有211億，供應全世界超過9成先進晶片的處理製程，台灣的製程產品猶閣有技術的實力，毋但推動經濟成長，嘛大大影響規个國際政治，猶閣有國家安全。
【拚入無人機非紅供應鍊】
非紅供應鏈就是無倚靠中國生產的產業鏈，各國為著欲降低風險，共關鍵零件送到閣較安全、會當信任的國家生產，台灣就是其中上重要的選項之一。
台灣過去佇電子零組件佮跤踏車零件產業釘根真久，像碳纖維、鎂合金佮複合材料的技術佮產能攏已經誠上手，佇加工、客製化、快速量產也早著形成完整的產業鏈。無人機產業隨烏露戰爭開始，加上國際上的政治議題，予台灣廠商佇全球市場閣有新的機會。
9/6禮拜暗時七點半，台灣記事簿先𤆬你來看台灣半導體發展的歷史佮未來，紲落才來看佇無人機產業當興的現此時，台灣欲按怎拚入國際市場。
了解更多 →