青年創業做食的，選擇家己想欲過的生活｜青春咱的夢
【用食的來做夢】
雖然有一寡人認為開店賣食的毋是人生發展的第一選擇；但是對一陣選擇欲做這途的少年人來講，做餐車、排擔、開店，是𪜶佇未來的人生，會當實現夢想的舞台。
有的為著轉來故鄉照顧破病的阿爸，所以佮阿媽學習做米糕來開餐車。有的為著共阿母的手藝留落來佮實現男朋友的夢想，佇巷仔內開一間素食店。閣有的選擇離開都市搬去花蓮鳳林，逐工用現烘的焙果，沓沓仔活出家己佮意的日子。
公視臺語台《青春！咱的夢》8/8這禮拜六暗時7點半，𤆬恁來看三位創業青年的故事，看𪜶按怎佇創業佮生活之間，揣著屬於家己人生的答案。
了解更多 →