馬太鞍的難關佮希望、老牧場用AI顧牛｜台灣記事簿
【馬太鞍的難關佮希望】花蓮崩山湖溢流經過一冬，佇馬太鞍溪邊的Atomo部落，猶閣有光復鄉的逐个庄頭，災後的生活攏無平靜；有的居民予人安置佇組合厝佮暫蹛厝，有的是提租金補助。毋過，對失去土地佮工課的部落老大人來講，日子猶原真無好過。Atomo部落是這改受災上嚴重的地區，為著欲阻擋大水，當咧起造50 公尺闊、10公尺懸的超級駁岸；當地居民除了煩惱蹛的問題以外，公部門複雜的溝通機制，又閣是另外一个難關，說明會講的攏總是法規的術語，予災民定定開會開煞猶是捎無摠。
【老牧場用AI顧牛】
這馬農民咧飼牛，已經通透過科技鬥相共，毋但有自動鑢尻脊的機器、搜飼料的機器人，閣有電腦鬥整理數據佮監測牛仔的健康；人力的付出並傳統飼養方法加真輕可，嘛成做愈來愈濟台灣的酪農轉型的方向。濟濟回鄉接班的少年酪農，攏來自無仝款的產業，親像工程、製造、科技背景，in欲予數位AI，沓沓仔成做酪農業的新配備；面對市場的競爭，遮的改革創新毋是欲展技術，嘛毋是欲共人取代，是欲予酪農會當共氣力，用佇閣較重要的所在。
11/8禮拜暗時七點半，台灣記事簿先𤆬你繼續來關心花蓮馬太鞍，災害經過一冬，災民的日子猶原無好過，紲落才來看這馬臺灣的牧場按怎使用科技鬥相共，嘛成做愈來愈濟酪農轉型的方向。
了解更多 →