對舊金山轉來的彩色夢 台語片《琉球之戀》《夕陽西下》、台語片的黃金年代｜台灣記事簿
【對舊金山轉來的彩色夢 台語片《琉球之戀》《夕陽西下》】
若講起台語電影，咱想著的敢若攏是烏白的，毋過，其實有少數的台語片是彩色的。若講《琉球之戀》 佮《夕陽西下》這兩齣真罕得看的彩色台語電影，會當講是是台語電影最後的hőng-mú-láng。
2019年 ，國家電影佮視聽文化中心收著一張對美國舊金山寄來的電子批，共傳說中的台語彩色電影《琉球之戀》 佮《夕陽西下》救倒轉來。這兩支片是1968年，林福地導演𤆬領大明星陽明、張清清等人，對基隆坐船去沖縄拍的，in做一氣佇一個月內底就共這兩支片完成。
【台語片的黃金年代】
你敢知影台語電影捌佇台灣有風神閣奢颺的年代？1956年到1972年的「台語片時代」，一冬製作超過一百齣電影；《大俠梅花鹿》 打造臺灣電影史毋捌出現的實景、禽獸裝台語童話片，《天字第一號》是頭一齣本土製作的台語間諜片；彼是一个猶無特效，毋過煞充滿野心佮趣味的的黃金年代。
台語片黃金時代這段歷史，絕對毋是阿公阿媽彼當陣的通俗娛樂爾爾，台語電影佇面對資源欠缺佮政治壓迫的時期，也成做眾人會當敨放情緒的管道。
7/26禮拜暗時七點半，台灣記事簿先𤆬你來看台語片內底真罕得看的彩色片，紲落才來回顧台語片充滿野心佮趣味的黃金時代。
了解更多 →