一粒晶圓 團結台灣、MIT無人機新力量｜台灣記事簿
【一粒晶圓 團結台灣】
半導體產業是台灣重要的資產，台灣供應全世界超過九成先進晶片處理製程，台灣的製程產品閣有技術的實力，佇全世界排頭名，毌但有經濟實力，嘛予人講是保護台灣的「矽盾」。
這款的能量毋但予經濟閣較成長，嘛大大影響規个國際政治和國家安全，面對台海局勢佮國際關係，咱的半導體攏是一个真重要的角色。
【MIT無人機新力量】
2025年10月，工研院代表台灣去日本參加世界機器人高峰會舉辦的「惡質環境無人機挑戰賽」，為台灣提著世界亞軍，拍敗厄瓜多、新加坡等等七隊，證明台灣無人機的能力袂輸予國外。
除了佇比賽場的展現，背後彼條本土供應鍊，嘛是誠有競爭力的所在；相關業者共鎂合金提來試用做無人機材料，毋但重量較輕、擋較久、飛較遠，也唌濟濟國外的廠商來接接聯絡。
4/12禮拜暗時七點半，台灣記事簿先𤆬你來看台灣這馬佇世界出名的半導體，按怎共台灣和世界縛做伙？紲落才來看台灣製造的無人機也開始展現實力，向望會當飛向國際。
了解更多 →