對產地到飯桌仔，生態廚子用料理回應土地的改變｜青春咱的夢
【食一喙台灣的滋味】
「食」毋但是生活中會做的代誌，對一陣投入生態料理的少年廚子來講，嘛是一種關心土地佮環境的方式。
𪜶毋但踮佇廚房內底，嘛會去山林佮湳地，親身拜訪友善種作的農民佮漁民，觀察土地的變化，了解食材的生長過程。
共山海之間的滋味變做料理，𪜶用每一齣料理傳達土地的故事，嘛提醒逐家珍惜自然資源佮生態的平衡。
每一喙食物，毋但帶來味覺的享受，嘛講出台灣的環境佮人的情感。
公視臺語台《青春！咱的夢》1/31這禮拜六暗時7點半，欲𤆬恁來熟似這陣用料理守護環境的青年，做伙感受「食」佮土地共生的美好。
了解更多 →