溢流了後的光復之路、非市區移工的資源站｜台灣記事簿
【馬太鞍重建三部曲（三）溢流了後的光復之路】
花蓮馬太鞍溪崩山湖災情發生了後，來自全台的志工陸續來到光復鄉，手提黜仔、跤穿雨鞋，開始清爛塗，無到一個月的時間，共濟濟車路佮人家厝攏清理好勢。
雖然人家厝內底的沙塗攏清了矣，但是濟濟徛家內底攏空空空，根本無法度蹛人，真濟田地嘛攏失去功能，全是沙塗。
有人希望共厝原地重建通轉去家園，也有人認為愛遷村；不管是災民原地重建的向望，抑是離災無離鄉的聲音，攏猶閣需要中央、地方、民眾，三方斟酌討論，才通決定後一步
【非市區移工的資源站】
台灣的外籍移工逐年增加，到今年已經引進超過85萬个外籍移工，成做台灣袂使欠缺的勞動力。其中以印尼籍佮越南籍的佔比較懸，攏超過30%，按怎予in佇台灣也通得著故鄉的溫暖，是真重要的代誌。
佇台灣作穡的移工，因為語言袂通等等因素，得著的資源本成就比台灣人較少，閣較免講是蹛佇非都市地區的移工，更加需要咱的關注，共in幫贊的資源欲按怎長久經營，也是未來需要思考的問題。
11/30禮拜暗時七點半，台灣記事簿先𤆬你關心花蓮馬太鞍災情的重建之路，紲落才來關住台灣偏鄉移工資源欠缺的問題。
了解更多 →