恆春城百五風華、囡仔的布袋戲｜台灣記事簿
【恆春城百五風華】
恆春城對1875年開始動工，1879年建城完成，對動工開始算，到今拄仔好有百五冬的歷史。
恆春城受濟擺的風雨損蕩，閣有都市規劃等等的因素，濟濟城壁攏已經予人拆掉矣，但是恆春城猶是這馬臺灣猶保存的城池當中上完整的。
恆春城參在地的連結誠深，恆春的歷史、文化、生活，攏有恆春城的影，按怎共恆春城的故事繼續講予後一輩知影，按怎繼續共恆春城保存落來，是真重要的議題。
【囡仔的布袋戲】
布袋戲是用台語表演的傳統戲曲，語言斷層，致使觀眾欣賞布袋戲拄著困難，教學過程華語 台語濫咧講，已經是整體語言環境的現實，甚至有當時仔演出，也需要摻一腳講華語來翻譯。
面對觀眾流失的危機，傳統藝術中心推捒兒童布袋戲，嘛有劇團特別設計予囡仔看的布袋戲，閣有專門教囡仔的囡仔布袋戲團，攏是向望會當予這項傳統藝術繼續傳落去。11/9禮拜暗時七點半，綴台灣記事簿先來去看恆春城的故事，紲落做伙來欣賞囡仔的布袋戲，嘛同齊思考傳統建築佮傳統文化欲按怎保存、傳承？
了解更多 →