AI鬥飼魚仔、疼惜環境的海洋藝術家｜台灣記事簿
【AI鬥飼魚仔】
水產養殖是真濟台灣海岸鄉鎮維生的產業；毋過因為欠人工，少年人無愛做，予人講是落坐的產業。
佇咧屏東，有已經傳到第四代的少年頭家，利用AI來管理魚窟仔，毋但產量加六成，人工的成本閣省八成五以上。對傳統魚窟仔到AI養殖的轉變，幫助漁民面對國際的挑戰，嘛解決這馬傳統養殖的困境，𤆬領台灣的養殖業行入新的時代。
【疼惜環境的海洋藝術家】
欲按怎創作台灣的海洋藝術？欲按怎透過藝術來守護環境？一直是藝術家林純用探究的目標。
林純用利用回收來的材料，創造出一件一件，引人思考的藝術作品，𤆬逐家看見環境所面對的問題；藝術的價值是啥物？伊透過生物的災難來表達，透過多元藝術，來展現這塊海島的命運。
10/19禮拜暗時七點半，先綴台灣記事簿去屏東，看養殖漁業的科技革命，紲落才去看這位海洋藝術家，是按怎透過創作來疼惜咱的環境。
了解更多 →