佇社交頻繁的時代，人形尪仔提供另外一種的陪伴關係｜青春咱的夢
【無聲的陪伴：我的人形尪仔世界】
佇科技快速發展、人際互動漸漸頻繁的時代，有一陣人活佇咧「去予人忽視的孤單」內底。𪜶對佮人交往較無遐爾熟手，嘛較僫佇現實中揣著心靈的安慰。對這寡人來講，人形尪仔毋是干焦冰冷的物件爾，閣較成朋友佮厝內的人。𪜶同齊生活、做伙做工課、甚至鬥陣去旅遊，是一種搭倚內心的真實陪伴。只是社會對𪜶的刻板印象，予𪜶會煩惱若是出門，別人敢有法度理解佮接受。
公視臺語台《青春！咱的夢》8/9這禮拜六暗時7點半，欲𤆬逐家來看𪜶的生活，做伙行入去尪仔的世界。
了解更多 →
