《食老哺塗豆》
發布時間: 2023-06-01
｜每禮拜日中晝12:30，公視臺語台放送
一工一粒塗豆，予你健康活跳跳
咱有一句俗語講：「老罔老，閣會哺塗豆」，這句是咧講人食老以後，身體佮喙齒攏誠勇健。為著欲予序大歡喜看電視閣學著健康的秘訣，《食老哺塗豆》就是專工替老大人所打造的綜合型節目，阮希望佮序大相放伴。
《食老哺塗豆》總共有三个單元：主題訪談、人物特寫影片、健康養生單元；為著予序大會當透過節目來綴時帶的跤步，多元規畫主題無設限制，毋若會當討論人際佮家庭關係、人生最後一个崁站、健康新知是以外，嘛會當來講生活法律、序大性生活、老大人的服裝流行、欲按怎佮寵物交朋友等等，向望長輩若收看節目的時陣，若親像食著維生素仝款，充滿健康佮活力。
雖然這是一个以老大人為核心的節目，實際上煞是18歲到108歲攏適合來看的生活補品，所以...「逐家今仔日哺塗豆未？」
