台灣過法國 開店叫來坐、強欲失傳的竹頭桮｜台灣記事簿

【台灣過法國 開店叫來坐】
60、70年代，Made in Taiwan是賣產品，這幾年來，開始外銷到國際的是「台灣文化」，愈來愈濟台灣人開店賣吃的。
佇法國賣粉圓牛乳茶，用台灣味打造獨立品牌，或者是融入在地文化和口味，請人客坐落來啉茶，摻台灣人款待的心意佇內底，嘛共台灣文化佮精神介紹予當地人。
嘛有台灣的烘麭師傅用伊的好手藝，征服共法國人的胃，他們佇國外拍拚扮演飲食文化交流的橋樑，佇法國拚事業，閣較展現創意佮韌性。

【強欲失傳的竹頭桮】

有代誌想欲請示神明，咱攏會「跋桮」。大部份的桮攏是柴做的，有一種桮特別愛揀竹頭來做，耐用、較袂歹，聲音閣響。白沙屯拱天宮、北港朝天宮也都愛用。
嘉義有老師傅開30年的時間，成功再現竹頭桮，嘛予嘉義縣政府登錄做全台第一位竹頭桮傳統工藝保存者。
只是為啥物老師傅無想欲收徒弟傳承落去咧？

9/3 禮拜暗時7點半，台灣記事簿揣逐家來去法國，才閣來看竹頭桮欲按怎做。