澎湖海膽失蹤矣、海女佮石花｜台灣記事簿
發布時間: 2023-08-12
【澎湖海膽 失蹤矣】
每年七、八月澎湖會開放掠海膽，但數量煞逐年咧減少。澎湖水試所這十幾年來，研究人工養殖和定期放流，希望海膽的數量會當增加，卻猶是愈來愈少! 台灣海洋資源愛按怎永續咧?
【海女佮石花】
若去過北海岸𨑨迌，一定捌食過清涼的石花凍，這石花凍是用石花做的，是當地人藏水落去海底挽的，in就是東北角誠特別的海女。
毋過因為溫室效應，海水溫度變懸，這幾年石花生湠的數量，嘛沓沓仔咧減少。海洋大學和海科館就開始想辦法，用人工的方式培育石花。
毋過若按呢生，海女可能就會無頭路矣。
8/13 禮拜暗時七點半，台灣記事簿𤆬恁來澎湖掠海膽，到東北角看特別的海女文化、挽石花。
