拚國際學生賽車設計賽 清大學生趕工改良訓練｜《青春！咱的夢》
發布時間: 2023-07-28
【學生 賽車 夢工廠】
國際汽車工程師學會，佇1980年創立「學生方程式」賽車，目的是鼓勵大學生會當家己設計佮製造賽車，進一步帶動賽車產業的研發，這馬已經是國際上誠出名的方程式大賽。
清華大學動機系的學生為著研發製造，這幾年嘛積極投入這項賽事，八月初嘛欲去到德國佮捷克參加比賽爭取好成績。
公視臺語台《青春！咱的夢》7/29這禮拜六暗時7點半，欲𤆬逐家來看清大的團隊是如何做出一架賽車。而且佇每一場比賽，背後又閣付出偌濟心力。咱做伙來看𪜶的故事。
