我愛潭墘，無愛廢校|台灣記事簿
發布時間: 2023-07-29
因為少子化的關係，學生仔是愈來愈少。根據台灣家長教育聯盟的資料，全台灣攏總有2千2百外間國校，其中有193間學生無到30个人，有68間是無到20个。
學生仔傷少，有的縣市就無閣招生，直接共學校廢掉，這寡學生就愛去讀別間。
最近彰化縣大城鄉的潭墘國小，因為欲予人廢掉，庄內居民就徛出來反對，四界陳情。大城鄉這4冬來，已經連紲共3間國校廢掉，會當講是破紀錄矣。
毋過若準學生仔少就廢校，這對偏鄉的囡仔來講敢有公平?
7/30 禮拜暗時7:30，來看台灣記事簿的報導，學生來講出家己的心聲。
