時代治癒所 四方醫院、阮是打貓大學｜台灣記事簿
發布時間: 2023-07-15
【時代治癒所 四方醫院】
1947年3月，佇台北市天水路25號的四方醫院，施江南醫師去予人掠走，從此無消無息。
到今，家屬攏無得著答案，施江南一直是官方無法證實生死的失蹤人口。
這馬，四方醫院被重新發掘，以「時代治癒所」為主題展覽，重新共施江南的故事講予逐家知。
對施江南的查某囝來講，四方醫院成做家族佮時代的傷痕。經過70外年重新閣轉來遮，愛有足大的勇氣。
【時代治癒所 四方醫院】
中正大學師生這五冬來，行入在地市場、稻仔田、王梨園，共規个民雄（舊名打貓）當做是教室，
in用行動「重構大學路」，落實「大學社會責任USR」。
這馬嘛得著在地居民的認同，有藥師兩父仔囝、冊店接班人、猶閣有在地企業的頭家，
逐家有錢的出錢、有力的出力，替民雄在地文史付出心力。
看起來高高在上的大學，欲成做鄉民的大學，「草地所在」就是學生的教室。
7/16 禮拜暗時7：30 綴台灣記事簿做伙來去四方醫院，修復時代傷痕。來去打貓大學，認捌民雄。
