臺北南京西路閣有新的漏水點 塌空車路搶修中
發布時間: 2023-07-10
臺北市大同區南京西路彼箍螺，初8半暝車路崩去，原底昨暗已經開放部份通車，毋過因為有閣發現其他漏水的所在，致使大路塌窩的情形，猶繼續咧發生，工務局今仔日透早緊急發通知，先共西寧北路-環河北路之間，南京西路雙向車路封起來修理。抑若臺北市政府也發通知，為著欲修理漏水的問題，臺北自來水事業處，先暫時共附近的水管禁起來，彼箍圍有108戶，會暫停供水。北水處今仔日早起9點，會佇南京西路301號、325號，設臨時供水站，予民眾使用。
