被掩崁的台語電影、鼓霸大樂隊70年｜台灣記事簿
發布時間: 2023-07-08
【被掩崁的台語電影】
將近四十冬前，電影《看海的日子》佇戲院放送，本土資深演員「阿匹婆」煞是講華語。過去國民政府咧推捒國語政策，對電影創作語言也有干預，只有國語發音的電影才會當參加金馬獎，造成彼陣的電影會有國語版、台語版。
予當時台灣在地故事的電影，譬論《稻草人》、《桂花巷》，就去予政府要求愛用華語配音，佇觀眾心中留下是講華語的印象。毋過，綴著解嚴開放、對電影創作的重視，閣有修復技術的提升，彼時陣「被掩崁的台語電影」有法度揣轉來導演心中理想的台語版本，用原本面貌予大眾重新熟似。
【鼓霸大樂隊70年】
臺灣開始有爵士音樂熱潮的年代，是1950-1987年的戰後戒嚴時期。3萬美軍駐台，連帶誠濟菲律賓爵士樂手嘛來到臺灣。
臺灣開始有爵士音樂熱潮的年代，是1950-1987年的戰後戒嚴時期。3萬美軍駐台，連帶誠濟菲律賓爵士樂手嘛來到臺灣。
1953年謝騰輝老師成立「鼓霸大樂隊」，這是臺灣戰後頭一團本土爵士樂團。18人大樂團編制，以演奏爵士和拉丁音樂為主，嘛捌佇國賓大飯店、豪華飯店駐團演奏。佇電視老三台的年代，台視、中視嘛攏看會著鼓霸大樂團的形影。
行過70年的鼓霸，有過上奢颺的年代，in會繼續守牢這个招牌繼續向前行。
行過70年的鼓霸，有過上奢颺的年代，in會繼續守牢這个招牌繼續向前行。
公視台語台「台灣記事簿」7/9 禮拜暗時7點半，來聽出名演員陸小芬過去拍電影的心情，猶閣有臺灣頭一个爵士樂團-鼓霸大樂隊的故事。
