媽祖搬厝 六房媽過爐、台灣頭一道水道水｜台灣記事簿

【六房媽過爐】
雲林的六房媽過爐，會當講是台灣上大規模的神明搬厝，而且一年就愛搬一改。六房媽上大的特色就是有神無廟，自1850年開始，無仝房的囝孫愛輪流共奉祀，一年換一个所在。
到今佇雲林有斗南、土庫、五間厝、大北勢佮過溪，這五个股攏總三十四个庄頭咧輪火鬮，有的庄頭上久愛等80冬才輪會著。
便若過爐就是地方大鬧熱的日子，逐个庄頭攏真要緊這个活動，這陣嘛已經成做政府公告的無形文化資產。

【台灣頭一道水道水】

這馬使用水道水真方便，捘一下就有。百幾冬前的清朝時代，劉銘傳干焦佇台北城挖水井，台灣到日本人統治的時，總督府才倩英國的技師來鬥相共，共全台灣主要都市的水道水規劃建設好勢。
上早開發的水道水就佇咧淡水，到今已經有127冬的歷史。

公視台語台「台灣記事簿」7/2禮拜日暗時7點半，欲𤆬逐家做伙來看，in是按怎替六房媽搬厝?猶閣有台灣頭一道水道水佇佗位?