舊彈藥庫 綠地變回收場、台南金仔窟 強強欲失傳
發布時間: 2023-06-09
🌳 〖 土城彈藥庫 〗 綠地變回收場
佇台北市附近有一片綠地，而且坐捷運就會當到位，遮是土城「彈藥庫」。有在地人佇遮經營生態教室，嘛有農地予都市人租來耕作。1950年代予人劃做管制區，成作軍方彈藥庫限制開發，一直到2007年，軍方撤走了後，才解禁建。
最近新北市環保局欲共一部份土地轉做資源回收中心佮清潔隊作業廠區。
生活中無法度欠缺的糞埽處理佮資源回收場，是無受歡迎的鄰避設施，毋過欲設佇佗位咧？居民佮環保團體上煩惱啥物?
✨ 〖 台南金仔窟 〗 強強欲失傳！
清代的台灣首府台南府城，有一條「十字大街」是經濟商業中心，當當時的北段因為有真濟出名的拍金仔師傅，予人叫做「打銀街」。
1990年代上奢颺的時，遮捌有3千个拍金仔師傅，占全台6成以上，予台南有台灣金仔窟的好名聲。
囡仔滿月的膨鎖、嫁娶的手指、祝壽的金釧，甚至閣有神明的金冠，攏愛揣銀樓「拍金仔phah kim-á」。
人講學師仔愛三年四個月，這馬嘛罕得有人想欲學師仔，傳統拍金仔的手路傳承出現斷層。新一代的師傅運用科技，用3D繪圖、雕刻、雷射，行出一條藝術創作的路。
新舊世代交替，金仔窟欲按怎繼續金光閃閃？
6/11禮拜日暗時七點半，台灣記事簿𤆬恁鬥陣來了解。
