::: 中央內容區塊
:::

移工公平招募 這筆數啥人擔?、按怎看天種作 智慧農業有撇步 |台灣記事簿

發布時間: 2026-11-16

公視台語台

【移工公平招募 這筆數啥人擔?】

2026年,勞動部宣佈未來三冬內,製造業、漁撈業,攏愛漸漸落實「移工公平招募」,移工來台灣的中人費、機票等等費用,可能攏著雇主來出錢;勞動部認為,移工若是毋免借錢揹債來臺灣,凡勢嘛通好降低in想欲逃走抑是失聯的情形。

公平招募毋但是人權的問題,閣牽連著臺灣的勞動力需求佮出口貿易的生存,毋過公平招募的費用,對無仝的產業來講,這个成本擔會起抑是擔袂起,實在真僫講;目前台美協定有三冬的調整時間,這三冬,政府欲按怎解決業者的煩惱佮困難?猶需要逐家關心佮討論。


【按怎看天種作 智慧農業有撇步 】
 
農民是看天食飯,毋過這幾年極端氣候是愈來愈嚴重,予in定定判斷錯誤,損失嚴重。今有人開發智慧農業系統,毋但會當控制沃水,閣會當提供天氣的分析,包括霧氣佮落雨的狀況,對種作管理是真有幫贊。


11/15禮拜暗時七點半,台灣記事簿先𤆬你關心移工公平招募欲按怎佇台灣實施,紲落才來看面對愈來愈無定著的氣候變化,智慧農業系統按怎共農民鬥種作。