佇山林佮溪流走傱，生態調查員記錄工程佮生態之間的關係｜青春咱的夢
發布時間: 2026-11-13
【荒野的筆記簿仔】
公共工程的開發，欲按怎兼顧防災安全佮生態保育？行政院公共工程委員會佇2017年訂定公共工程生態檢核的制度，要求符合條件的新建公共工程，對規劃、設計到施工佮管理維護，攏愛考慮著生態保育。
毋過，生態檢核欲按怎落實？又閣是啥人行入去田園、溪流佮山林，調查動植物、記錄棲地，共現場的資料轉換做工程的建議咧？生態調查員就是這个制度內底，替自然進行調查佮溝通的一陣人。
公視臺語台《青春！咱的夢》11/14這禮拜六暗時7點半，𤆬恁來熟似這陣少年的生態調查員，看𪜶按怎佇開發佮保育之間，為台灣的山林佮溪流做筆記。
