馬太鞍農業的發穎、新世代接手曝出柿仔情｜台灣記事簿

【馬太鞍農業的發穎】

花蓮光復鄉的馬太鞍溪流域，過去是東台灣上重要的稻仔佮畜牧產區，猶毋過2025年9月，風颱帶來大水雨，致使崩山湖溢流，7千萬噸的塗石流沖落來，幾若百噸的民生廢棄物，綴塗石流做伙沖落來共田地崁牢，致使光復鄉的北富村、東富村這搭，有八成的受災水田無法度種作；除了土地受著損蕩，遮的田地欲恢復種作，農民閣需要面對逐個月照常來催數的，農機具貸款的壓力。

一冬過去，光復鄉的農田敢恢復生機矣？

【新世代接手曝出柿仔情】

你敢愛食柿粿？每一年的九月底，東北風絞去到新竹，遐特有「畚箕喙」的地形，予風是閣較透，嘛予人號做是「九降風」；佇這个風透閣無啥雨水的新埔旱坑仔，上蓋適合做柿粿。

新竹新埔靠「九降風」，經過96項程序佮6工真幼路的掠龍，才會當呈現佇你的面頭前。面對低價進口佮盤商剝削，轉來故鄉青年無倒勼，堅持古法柴燒佮文創新思維「柿仔染」體驗，成功予傳統客庄好氣味重新發光！ 

11/1禮拜暗時七點半，台灣記事簿先𤆬你來關心崩山湖溢流已經過一冬，花蓮馬太鞍的農民閣咧面對啥物款的難題？紲落才來看新竹新埔真出名的「柿粿」是按怎製作，少年人轉來接手閣行出啥物無仝的路？