看見風頭水尾湳仔地｜台灣記事簿

【看見風頭水尾湳仔地】

芳苑毋但有全國出名的湳仔地，生態資源豐富，蚵仔、蚶仔大出產，水耕菜蔬、塗豆、淮山等等，嘛攏是真有代表性的農作物。毋過，這幾年因為起風機，環境生態受著影響，蚵農反應收成䆀真濟，向望通共這片海洋保護起來，予飼蚵產業會當傳承落去。

佇芳苑舉辦的「潮芳苑看見灘地藝術季」，有辦桌、戲劇表演等等活動，嘛予民眾透過坐鐵牛仔車熟似芳苑。這个藝術季以文化記憶佮環境共生為中心 ，除了社區居民共同參與的藝術創作活動以外，閣有探討芳苑拄著的環境開發議題，予在地人通講出家己土地的故事，也予外界知影in當咧面對的問題。

10/25禮拜暗時七點半，台灣記事簿𤆬你來看芳苑的自然環境佮農漁業發展，閣有這幾年因為起風機，在地居民感受著啥物款的變化，對芳苑的未來閣有啥物款的向望？