中人涉嫌受中國指示 佇美國監視賴總統大囝 | 公視台語台 | 20261005@taigitaiPTS
發布時間: 2026-10-05
美國聯邦調查局佇當地時間10/4，佇洛杉磯機場掠著一名華人血統，咧加州賣厝的中人，指控伊無依法登記，煞咧做外國政府代理人，涉嫌受中國政府指示，咧美國監視賴總統的大漢後生，「賴廷與」規家伙仔，閣會翕相回報予中國。FBI局長發文警告外國敵對勢力，美國毋是間諜通來的安全之地。針對這款情形，咱陸委會除了譴責，強調中國針對臺灣進行的跨國鎮壓人數已經有126人、140人次，拍算修反滲透法進行反制。
