伊的厝，落入去法律黑洞｜台灣記事簿

【伊的厝，落入去法律黑洞】

新北市的新店是瑠公圳、大坪林圳的源頭，為著欲抾水，清國盤山過嶺 ，用手工起造「引水石硿仔」；二戰尾期，日本人嚴格管控瑠公圳水，生產軍糧。第三高女（今中山女高）佇校地種菜、種番薯。

蔡金木老厝，佇有欲三百年歷史的瑠公圳圳頭，第一代厝主蔡金木對1940年代就蹛踮遮 ，替「瑠公水利組合」做工課。蔡家佇遮蹛三代，幾改向水利會申請買土地，答覆攏是「機關用地，歉難照辦」。

毋過，2012年，水利會公告土地賣予別人。阿公的孫仔賴碧珍為著欲保留這間蹛過三代人的厝，拍官司14年全輸了了。文史團體申請文資登錄，嘛攏無通過。

賴碧珍是按怎遐堅持毋搬厝？又閣是按怎文史團體、人權團體，閣有學者專家攏來相伨 ？

9/27禮拜暗時七點半，台灣記事簿𤆬你來看蔡金木老厝的歷史，閣有伊十幾冬來的爭議。