疾病成做生活的一部份，兩个少年查某囡仔勇敢行出家己的路｜青春咱的夢
發布時間: 2026-09-24
【關於性命這件代誌】
可能有人會認為講得著重症就會失去工課、失去自由，甚至連原本規畫好的人生都攏不得已愛停落來。毋過對彼寡勇敢對抗疾病的人來講，病痛雖然改變了𪜶的生活，煞無因為按呢就共驕步停落來。
親像林芸如日時去病院洗腰子、暗時就轉來排擔賣食的，佇一改閣一改佇病院出出入入的生活中，猶是認真共生活過予好。另外一位許律雯，伊得著重症肌無力，時不時會袂揣氣、連食物件攏有困難，但是伊猶原堅持佇偏鄉陪伴學生、照顧身邊的人。
公視臺語台《青春！咱的夢》9/26這禮拜六暗時7點半，欲𤆬恁來看這兩位查某囡仔的故事，看𪜶按怎佇咧面對病痛的過程中，重新活出家己的節奏，做一个堅強的人。
